ابتسامة لكل مواطن

[ندعوك للتسجيل في المنتدى أو التعريف بنفسك لمعاينة هذه الصورة]

هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟

جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع

واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه

هادي واحد المرا طيبات لراجلها النهار اللول ملوخية
النهار التاني طيبات ليه خبيزة
النهار التالت طيبات ليه السبانخ
النهار الرابع سولات راجلها: أشنو نطيب ليك اليوم؟
قال ليها: أبلا ما تعدبي راسك، غادي نمشي نسرح بوحدي

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة
اتمنى ان تنيل اعجابكم هذه النكت التي قدمتها
لكم
و دمتم في رعاية الله و حفضه